Back Pintura del Renaixement Catalan Renesanční malířství Czech Malerei der Renaissance German Pintura renacentista Spanish Peinture de la Renaissance French Malarstwo renesansu Polish Pintura do Renascimento Portuguese
D Moolerei vo dr Rönessãns het öbbe 1420 z Floränz aagfange (Früerönessans 1420-1500), und isch am Aafang vom 16. Joorhundert uf iirem Höhepunkt gsi (Hoochrönessans, 1500-1520). Iiri Spootzit isch vom Manierismus überschattet worde, wo 1520/30 ufchoo isch. Sit dr Wändi zum 16. Joorhundert si in alle öiropäische Länder Forme vo dr Rönessãns übernoo worde und de jewiilige Dradizioone aabasst worde.
Die künstlerischi Moolerei het sich uf s Usmoole vo Chillene und Chlöster und deene iiri Altarbilder konzentriert. Bordret, Landschafte, Alldaagsszeene und Stilllääbe si im Middelalter und in dr Rönessãs erst seer spoot as Kunstgmäld drzuechoo.
D Moolerei in dr Rönessãns isch dr esthetisch Inbegriff vo Eleganz und Form, wo sich e Hufe vo de Norme vo dr Modärne druf stütze. Iire Iifluss uf d Moolerei vo spöötere Generazioone isch überwältigend gsi. Die wichdigste Arbetstechnike wie au d Uswaal vo de Themene und wie si daargstellt wärde, häi sich in däm Zitalter entwicklet.